Los Beatles de Sant Çubran

Resumat

Arser, avèm perdut lo nòstre Ringo. Es partit amb lo tren de nuèch que va de Bordèu a Niça e que s'arrèsta a Tolosa sus las onze oras. Lo temps d'agantar una valisa e de caminar a Matabiau. Nos a dich que tornariá pas jamai. A decidit de desaparéisser la velha qu'avèm recebut aquela invitacion oficiala per anar jogar al festenal de Wroclaw, amondaut en Polonha. La nòstra candidatura agradèt a la jurada. Sètz qualificats, ditz la letra. Una suspresa o benlèu un miracle. Uèi, deuriam nos regaudir mas sens un Ringo, anarem pas enlòc.

Las aventuras d’un grope de musicaires tolosans, entre esper, dificultat materiala e tensions relacionalas, en camin per un concors d’interpretacion de las chançons dels Beatles. Lo prumier roman en occitan de Michel Fraysse, en mena de road movie.