L’estraç

Resumat

Marcha plan, Bernat Palhan, l’uelh treble, vitrat. Fa avans sensa veire ren. Butassa una femna que carreja un nenet dintre lei braç. « Excusatz-me, dòna… bretonegèt. Excusatz-me… »
La frema qu’èra a mand de mandar la cana còntra aquest omenàs galhard que se permet d’embroncar lei maires de familha que representan l’avenir de França ambé lei retiradas que seràn pagadas per sei nistons quora seràn grands, lo devista e s’abauca. « Basta, se pensa, deu èstre un pauc madur aquest… N’i a tant de gents d’aquesta passa que son fatigats dei nèrvis… Deu aver empassat de balòtas… Ren d’estonant ambé la vida que se mena ! »