La peira que nada (libre + audiò)

Resumat

Conte de creacion de Sèrgi Mauhourat, illustrat per Philippe Bichon.

Lo viatge d'un calhau de la montanha a la mar grana... a las mars granas deu monde, un quasern de viatge...

Ad aquesta hemna que l’avèvan vista a caminar au ras deu gave, qu’amassava un calhau, que’u portava a l’aurelha, tornava pausà’u, n’amassava un aute... Qu’ei l’istòria d’un calhau, un tròç de ròca destacat de la montanha qui’s va viéner conhar au pè d’un joen avet. En créisher, l’arbo que l’envolòpa, que l’amantola. La husta que’u hè son. D’ara enlà, que va enténer tots los bruts qui l’enviroan : lo vent, la ploja, los tintins, dong-dongs, bongbongs, torrom-borroms qui pujan cada primtemps, lo bestiar content de tornar, las istòrias portadas per las votz de las aulhèras e deus aulhèrs... Las sasons, los ans, lo temps que passa. N’ei pas long lo temps tà un calhau. E puish un dia, crrrrac !

Un album bastit a la faiçon d'un quasèrn de viatge, lo viatge capvath deu monde deu temps.

Cicles 3-4
Lectura de Patrick Ratineaud disponibla sus http://www.capoc.fr/