La carta

Resumat

Un àlbum cabís-cabés, dab un raconte grafic d'un costat, shens tèxte, cinc contes d'Occitània de l'auta part e au miei... ua envelòpa dab ua carta postau.

Raconte grafic deu Lac de las Ribas tanben nomat « Las Aigas ».
La trama narrativa que’s completa a fin e a mesura de las paginas dinc a la composicion sancèra deu paisatge : un lac qu’apareish e que’u plea. Aquera istòria shens tèxte que s’acaba hens la crampa d’ua mainada qui vien de recéber ua carta postau. Qui li a escrivut ? Perqué e i a d’autas cartas postaus sus la paret au dessús deu burèu ? D’on vienen ? Los contes presentats hens l’auta partida d’aqueth libe qu’ajudaràn dilhèu a descodar lo ligam estujat qui arreliga totas aqueras istòrias.

Cinc contes, cinc lòcs qui contan çò que i a au-delà deu hons de l’aiga, cinc cartas postaus.
Qu’ei çò qui los liga ? Un país ? Pairans chepicós de har passar la cultura loa a l’arrèrhilha ?
O aquera part de mistèri qui s’està en los lòcs d’aiga a noste ?

Ua creacion deu CAP'ÒC illustrada per Cécile Serres.
Version multivarietau : los contes son dens la lor version dialectau, tres contes en occitan-lengadocian, un conte en occitan-lemosin e un conte en occitan-gascon.
Enregistraments deus contes de tornar trobar sus https://www.capoc.fr/ :
- Las aigas (Ives Durand)
- Lo niu de las sèrps (Bernard Cauhapé)
- La vila englotida de Balaruc (Stella Fontana)
- Las clòchas dau Saut dau Chaslar (Jaumeta Bauzetie)
- La hada deu ponton (Serge Mauhourat)

Liberet pedagogic tanben sus lo site dau CAP'ÒC.
Cicles 1 a 4.