Flor de brossa

Resumat

Ièu pòrte pas totjorn, quand torne de la caça,
Lèbre, perdigal o becassa,
Mès si tròbe plus res, pels puèchs o pels travèrs,
I culhisse au mens fòrça vèrs.
A plenas mans e per dotzenas,
Dels vèrs de brossa, que senton la sauvatgina...

Je ne rapporte pas toujours, quand je rentre de la chasse,
Lièvre, perdreau ou bécasse,
Mais si je ne trouve plus rien, par monts ou par vaux,
J'y cueille au moins beaucoup de vers.
A pleines mains et par douzaines,
Des vers de bruyère, qui sentent la sauvagine...

Où et comment le capiscoul fait ses vers, p. 17

Un recuèlh de poèmas inspirats de las excursions de l'autor pel campèstre e de son activitat de caçaire ; d'autres meton en scèna la vida de l'ostalada e pintran lo retrach de son monde : familha, domesticas, vesins... d'autres encara reprenon dels contes.

Poèta d'Auvèrnhe, Vermenosa o gausèt èsser plenament ; a pas res renegat de sa « montanha borruda » que pintra en vèrs plens, drudes, d'un realisme vigorós, que sabon pr’aquò demorar lirics.

« Aqueste orgulhós es del costat de la paurilha… Vermenosa a l’uèlh agusat… Perdrem pas nostre temps en tornar legir Vermenosa. » (Ives Roqueta, dins En occitan, une histoire buissonnière de la littérature d'oc).

Una reedicion en grafia classica de l'òbra occitana del Felibre cantalés segon l'edicion originala de 1896, amb nòtas de vocabulari en fons de pagina.