Al fial del temps vira lo vent… – Au fil du temps vire le vent… (libre + CD)

Resumat

Joan Racina èra pas un descendent de l’autor d’Andromaca e de Fèdra. Quauques sègles los separavan e n-avián pas res de comun. Lo miòne, z-el, èra mès qu’un paure mendicaire.
Lo sonavan atal per çò que, quand aviá fait tres pas en avant, en fasiá un o dos en arrièr.
Atal, pareis, se fason los progrèsses : tota una filosofia, una dialectica dont n-aviá pas jamai ausit parlar…

Del sègle XVIII dusca al jorn d’auèi, trenta contes ont la cultura classica s’ajusta a la coneissença intima de la lenga mairala, de la cultura populara, dels paisatges e de la natura, als sovenirs d’enfança… Bofonariá o saviesa, sagacitat de l’agach, juòcs de mots e de ritmes : un recuèlh variat qu’engendra pas malenconiá.